![](https://focus.aw/wp-content/uploads/2020/07/veronica-image00027-1024x748.jpg)
E cantante Veronica Pichardo for di Corsou a lansa su prome cancion na Spaño titula “Despues de 12:00”, y ta sumamente contento cu porfin e por laga mundo cera conoci cu e produccion aki. E cancion ta un version nobo di su single anterior hopi gusta cu yama “After Dark”. E ta den estilo di R&B pero cu un toke nobo di un fusion cu musica latino. E cancion “Despues de 12:00” a wordo produci pa Alex Sargo, cu a produci “After Dark” tambe. E ta un hoben sumamente talentoso, cu a haci e parti instrumental di e musica. Pa mixing y mastering cu grabacion di e cantica tabata den man di un productor conoci na Corsou cu yama “Oscar Bor”. E ta responsabel pa mixing y mastering di hopi di Veronica su canticanan y ta haya cu semper e ta duna e cancion un toke hopi special.
Esaki ta Veronica su di 5 single oficial den 1 aña y mey. E aña aki e kier focus pa saca por lo menos 1 single pa luna hunto cu su team. Recientemente el a firma un contract di management cerca un label basa na Corsou y Hulanda. Kiermen e aña aki apesar di e circunstancianan Veronica a logra hopi cos. Pa loke ta su single “Go Back” e ta sumamente contento di e reaccionnan cu el a ricibi, cu ta un di e canticanan mas special p’e. El a wordo graba cu un team hopi great y lansa cu un videoclip cu a surpasa tur su expectativanan danki na e team di Michael Fowler y Lino Eugenio.
![](https://i1.wp.com/focus.aw/wp-content/uploads/2020/07/veronica-image00057.jpg?ssl=1)
![](https://i0.wp.com/focus.aw/wp-content/uploads/2020/07/veronica-image00095.jpg?ssl=1)
![](https://focus.aw/wp-content/uploads/2020/07/veronica-image00088-1024x763.jpg)
Ki mas por spera di Veronica pa 2020?
Mane mi a menciona caba mi a firma pa mi carera musical wordo maneha pa un label cu yama “Dutch Antillean League”. Esaki tabata un stap hopi grandi pa mi den mi carera, paso ta e prome stap oficial y legal cu mi a tuma pa laga mi carera crece y sigui avansa. Riba mi mes el a bay hopi bon te cu aworaki, pero mi a yega na un punto cu mi tin mester di yudansa profesional, y mi ta hopi hopi contento cu e paso grandi aki. Kiermen boso por sigui spera hopi muziek mas y proyectonan hopi great. Mi ta corda tur hende pa sigui mi riba mi rednan social pa volg tur loke tin di haber cu mi muziek y hopi mas.
![](https://focus.aw/wp-content/uploads/2020/07/veronica-image00001-1024x684.jpg)