E strea cu su nomber real ta Stefani Joanne Angelina Germanotta, ta interpreta Patrizia Reggiani den e proximo pelicula di Ridley Scott, House of Gucci. E pelicula biografico ta sigui e matrimonio turbulento y divorcio di Patrizia y Maurizio Gucci, interpreta pa Adam Driver, e director di e cas di moda Gucci, cu finalmente a conduci na asesinato. E rol di Lady Gaga como Patrizia a causa algun ‘dificultad psicologico’ door di a profundisa demasiado den e personahe, ora e tabata yegando na e final di e filmacion. E strea a bira door di esaki, e mas recien pa adopta e forma di actua cu ta yama ‘method acting’.
Papiando cu British Vogue, e strea di 35 aña cu a ser nomina pa un Oscar pa su rol den A Star is Born, a bisa: “A pasa tres aña desde cu mi tabata trahando riba esaki y si mi ta completamente honesto y transparente: Mi a papia cu un accent Italiano pa nuebe luna den e tres añanan ey”. El a bisa cu momento e camara paga, nunca e por a desconecta fo’i su rol. “E tabata casi imposibel pa mi papia cu accent como un blondine. Mesora mi mester tiña cabey y cuminsa biba di una manera unda cu cualkier cos cu mi tabata mira, cualkier cos cu mi tabata mishi, pa pone atencion di unda y ki ora mi por a mira placa”.
E strea a tuma su metodo di actua asina serio, cu el a cuminsa perde contacto cu bida real. E tabata den su camber di hotel, bibando y papiando manera Reggiani of e tabata riba set di filmacion, bibando y papiando manera e”. E ta sigui conta: “Mi ta corda un dia mi a sali na Italia cu un sombre pa mi cana un rato. Mi no a sali cana den dos luna y mi a drenta den panico. Mi a pensa cu mi tabata riba e set di e pelicula”.
Desde cu a wordo confirma cu Lady Gaga lo hunga e rol, e propio Patrizia Reggiani a bisa un periodista italiano: “Mi ta basta molestia cu e hecho cu Lady Gaga ta hungando un rol basa riba mi, sin tin e sensibilidad di bin conoce mi”. E strea a contesta Patrizia su palabranan: “Mi a sinti cu mi lo por haci e storia aki husticia, si mi acerca esaki den un mirada di un hende muhe curioso, cu tabata interesa den posee un spirito periodistico pa por lesa ‘in between the lines’ di kico tabata pasando den e escena di e pelicula. Esaki kiermen cu niun hende ta bisa mi ken Patrizia Gucci tabata ta, ni Patrizia Gucci su mes”.
