Karishma Swali, director di e atelier na Mumbai, Chanyka, a revela cu ta eynan ta unda a borda e shimis di J.Lo pa e desfile di Versace. Cu e elementonan cu nan a uza pa realisa e borduur ta recicla y ta sali fo’i boternan di PET, specialmente e payette corta den laser. Pa nan, traha hunto cu e ekipo di Versace tabata hopi special: “’Secret’ Indian Ateliers Keep Luxury Brands Buoyant”.
E hindunan ta caracterisa pa nan gran maestria den maneho di textil manera seda, y loke casi niun hende sa cu e trabou manual cu tin tras di e marcanan grandi europeo ta pasa prome den man di artesanonan na Mumbai. E rason ta pasobra na India e ‘mano di obra’ ta 10 biaha mas barata, cu si nan hacie den ateliers na Europa. E trabou cu nan ta realisa ta un berdadero beyesa, cu ta representa añanan di tradicion y excelencia.
Lisbeth Thijsen, un di e hende muhernan cu a ricibi e Reconocimento FOCUS Fashionista, a luci un creacion similar cu J.Lo na un evento di FOCUS na Aruba Ocean Villas. Pa bisti un diseño asina sigur bo mester tin e actitud y esaki ta un di e puntonan fuerte di Lisbeth, cu semper ta bisti outfits cu ta bay cu su personalidad y estilo audaz!
