Riba e portada di Focus Digital Magazine di april por admira e pareha, Luigi Dania y Faryel Badloe, cu celebra nan union matrimonial durante tres dia largo na Aruba. E celebracion a inclui e tradicion di e cultura di Luigi y Faryel, cu a haci nan union matrimonial uno emocionante, precioso y memorabel. E ceremonianan tabatin elementonan Cristian y Islamico, cu tabata e parti mas importante pa ambos y nan famia.
E novia a luci 6 trahe espectacular durante e 3 dianan di celebracion, cu lenghanan impresionante den diferente color y shimisnan di bruid blanco. E novio a bisti un sherwani pa e nikaah, cu ta e ceremonia pa nan union Islamico y despues a cambia pa un kurta pa e fiesta grandi riba e ultimo dia di celebracion. E emocion di Luigi y Faryel a resalta durante e ceremonianan y ambos a mustra un amor infinito pa otro.
Un pareha cu a conoce otro na Colegio Arubano tempo cu nan tabatin 15 aña. Despues di Colegio nan a sigui nan estudio na Hulanda unda ambos a gradua y ta eherciendo nan carera profesional. Faryel ta dokter y ta bezig scogiendo su specialisacion. Luigi ta ingeniero trahando den robotics na Delft. E proposicion a tuma luga na botanical gardens na Amsterdam, unda Luigi a sorpresa Faryel bisti den un paña Hindu y el a ‘pop up’ e pregunta na Ingles, Papiamento y Hindi.
Door cu ambos ta biba na Hulanda, el a exigi hopi coordinacion pa realisa un celebracion di 3 dia largo. Den Focus Digital Magazine por haya tur detaye di e celebracion matrimonial di Luigi Dania y Faryel Badloe, cu tabata magico, maraviyoso y cu lo keda inolvidabel pa e pareha. E revista ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
