Un piscina na cas sigur ta un deseo di hopi hende, aunke esaki no semper ta parce un opcion asina facil. Tin varios factor cu por hunga un rol, sinembargo e beneficio di tin un piscina ta haci e hardin un luga agradabel pa pasa momentonan relaha y dibertido. E pareha, Francis y Inger Leo, cu tin dos propiedad fabuloso situa na Alto Vista, Boleros Aruba, cual ta nan hogar y alabes Airbnb, ta ilustra e bunitesa di nan piscinanan. E meta ta pa crea un ambiente di un ‘outdoor spa’ tropical, cu ta inspira e ilusion di un paraiso pa por sinta rond of den e piscina relahando e curpa y mente.
E cas unda Francis y Inger ta biba ta keda riba e propiedad unda tin e dos apartamentonan y nan otro cas ta Boleros Villa, ambos ta ubica na Alto Vista memey di hopi naturalesa. Nan a integra elementonan di naturalesa den e curanan rond di e piscinanan. E prome piscina a ser construi na 2019 y di dos piscina na 2022, y nan a dicidi pa tene un look ‘clasico’, esta un diseño cu influencia di estilo Griego-Romano. E color cla memey di e berde di e matanan y e shinishi-blauw di e piedranan ta hacie mas habri y mas yamativo.
Manera cu tur proyectonan grandi nan a pidi tres contratista pa un oferta basa riba e diseño haci pa cada uno di e propiedadnan. Aki John Patrick Building Support Services N.V. (JPB Services) a sali den tur dos e bidding esun cu e miho condicionnan y tumando encuenta tur nan deseonan. Inger y Francis Leo ta conta di tur e beneficionan di tin un piscina y jacuzzi den edicion di Focus Digital Magazine di augustus, cu ta accesibel gratis a traves di Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
