Den edicion di Focus Digital Magazine di october manera tur aña ta highlight ‘Home Trends’, unda por haya diferente tip pa yuda haci e miho escogencia pa bo cas. E ta un desafio pa hopi hende pa scoge e azuleho corecto pa e espacio corecto. Esaki mirando e gran cantidad di opcion cu tin disponibel riba mercado. Tin azuleho di ceramica, porcelana, cement, quartz, marmer, piedra di granit y incluso azuleho di glas.
Pues tumando un bon decision por ta un gran desafio. Pa yuda bo nos a delinea ‘5 Tip’ con pa selecta e azuleho corecto pa bo espacio. E prome paso ta dicidi ki tipo di azuleho bo mester. Pa vloer ‘porcelanato rectifica’ ta e miho pa pone pa vloer door cu nan ta duradero y por wanta trafico pisa, y tin menos capacidad di absorbacion di awa, loke ta haci nan mas duradero y resistente.
Pa muraya por scoge azuleho di ceramica of di porcelana door cu nan no ta poroso y no ta absorba mancha. Pa exterior ta miho opta pa azuleho cu acabado mat of antislip pa evita slipmento. Den e revista por haya mas tip valioso tocante escogencia di tamaño, color corecto, grout y planifica %. Na Stemma Trading situa na Avenido Milio Croes tin un seleccion fantastico, unda nan ta yuda bo scoge e miho azuleho pa muraya y vloer pa embeyece bo cas.
Focus Digital Magazine ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
