Mervin Wyatt-Ras a lanta den un famia humilde na Noord Cura Cabai. Un di e balornan mas importante cu a inculca den su formacion ta esun di stima bo prohimo y traha duro pa alcansa bo metanan. Mervin ta un ortopedagogo, hypnotherapista y terapista familiar di profesion. El a traha 12 aña na Departamento di Asuntonan Social, seccion Bida y Famia, unda el a atende cu guia y terapia familiar di mucha-hoben cu problema psycho-social. Mervin a duna curso na diferente profesional den ramo di pedagogia. Den e area cultural el a y ta haci trabou boluntario den bario..
Mervin Wyatt-Ras ta e prome Presidente femenino di Parlamento y un di e prome damanan cu a sirbi su pueblo como parlamentario independiente. El a presenta diferente ley di iniciativa cualnan a ser aproba unanimamente. E forma con e ta balansa creencianan personal cu e necesidad y creencia di e votadonan ta como politico e ta sali for di necesidad di nos pueblo. Tin si e aspecto di principio cu ora yega na dje, e no ta negociabel. Den mayoria caso e pensamento y creencia di e votado ta cuadra cu esun di dje. Locual ta esencial ora cu su creencia no ta cuadra cu esun di e votado ta respet. Esta respet pa opinion di otro. Cu e respet aki ta logra balansa cu e votadornan.
Con experiencianan personal a influi den formacion di su ideologia politico: “Mi ta procedente di un famia humilde cu balor y normanan halto pa loke ta trata conducta y integridad. Mi a wordo cria cu respet pa tur hende. Pa traha duro pa loke mi tin y no tuma nada pornada. Mi a siña special di mi mama pa sali pa mi derecho y di otronan. Mi tin un sentimento profundo di stimacion pa famia y e ser humano en general. Di chikito mi tabata sali na defensa di otro mucha y na grandi mi a scoge un profesion pa yuda mucha y nan mayornan pa despues sigui e caminda di sirbido di pueblo”.
E Deseonan di Mervin Wyatt-Ras pa Aruba
Un Aruba unda tur hende tin cuminda pa come y awa pa bebe.
Un Aruba na unda e salario of entrada di e ciudadano ta yega pa paga tur gasto mensual.
Un Aruba unda tin control di prijs di productonan. Unda tur mucha por bay scol. Unda mayornan ta haya yudansa pa nan yiunan por ser cuida den un creche of acogida ora nan ta traha.
Un Aruba unda cu mayornan di muchanan cu limitacion porfin por haya un bijstand pa cumpi cu tur e gastonan halto di nan yiu di 0-16 aña.
Un Aruba cu ayudo pa esunnan cu problema psycho-social y di salud mental.
Un Aruba cu e ciudadano cu no tin suficiente entrada por haya su remedinan paga. Unda viviendanan por ta pagabel y cu sosten pa esunnan vulnerable cu no por paga nan cas. Unda muchanan ta haya proteccion contra di tur tipo di violencia.
Un Aruba cu su naturalesa y su animalnan ta ser protehi.
Un Aruba prospero financiero-economico den cual e bienestar di cada ciudadano ta ser garantisa. Cu oido y dialogo cu nos pueblo.
Un Aruba cu nos por yama nos hogar y cu nos por ta orguyoso di dje como nos pais.
Un Aruba pues cu derecho igual pa un y tur!
Den Focus Digital Magazine di november, Mervin Wyatt-Ras, ta elabora riba diferente tema importante manera con a maneha critica of punto di bista opuesto. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
