Romar Trading a trece un anochi inolvidabel pa Aruba cu lansamento di e marca italiano Astoria Wines. Pa e ocasion aki a conta cu presencia di e Export Manager, Paolo Favero, cu a bini directamente for di Italia pa haci di e evento algo hopi special. E evento a tuma luga na e restaurant espectacular Passions on the Beach, unda amantenan di biña y partnernan di Romar Trading a reuni pa disfruta di un anochi vibrante y yen di experiencia.
Astoria Wines ta un di e principal representantenan di e arte di Prosecco. E marca a nace na 1987 for di un famia cu gran pasion pa e viticultura, y awe ta un lider na calidad como e prome vinicultor priva den e region di Conegliano-Valdobbiadene DOCG, e origen di Prosecco. Tenuta Val De Brun ta e curason di Astoria, unda cuarenta hectar di biñanan ta floria den e colinanan pintoresco di Prosecco; un paisahe tan unico cu UNESCO a declara como Patrimonio di Humanidad na 2019.
Su portafolio amplio ta inclui biñanan rosé como Astoria Prosecco Rosé, blanco como Astoria Pinot Grigio, y cora como Astoria Amarone Della Valpolicella; tur di un calidad hopi halto y prijs accesibel, disponibel na Aruba den supermercadonan manera Ling & Sons, Super Food y Cmart y hopi mas.
Cu e lansamento aki, Romar Trading ta afirma su compromiso di trece e miho experiencia di biña mundial pa Aruba, invitando tur hende pa disfruta di Astoria, un marca cu ta combina tradicion, sostenibilidad y excelencia. Den Focus Digital Magazine di november tin un amplio reportahe fotografico di e anochi sublime aki cu lansamento di Astoria na Aruba. E revista ta accesibel gratis via Apple iStore, Android Google Play Store y www.focus.aw (Menu Tab FOCUS DIGITAL).
Download bo revista awo!
