Desde cu Wally Wester y Sagine Croes a conoce otro ambos a sinti cu nan a topa nan soulmate y cu un dia nan lo desea di casa. Wally no tin suficiente palabra pa describi e sentimento riba dia di nan matrimonio 25.10.24. Nunca el a soña di casa, pero cu Sagine el a realisa cu e ta e persona cu e kier pasa resto di su bida hunto cu ne. El a sinti cu Dios a manda e persona aki den su caminda. Sagine di su banda ademas di a sinti hopi amor y felicidad, e tabata tambe hopi sigur di su decision cu e kier Wally como su esposo.
Sagine y Wally a conoce otro desde middelbare school, pero nan a perde contacto aunke si tabatin otro riba e rednan social como friends. Na aña 2021 Sagine a bin cu vakantie Aruba y via su social media Wally a haya sa cu e tabata aki. El a invit’e pa bay train kickboxing sabiendo cu Sagine semper tabata gusta e deporte aki di temp’i scol. Despues di nan training a palabra pa bay riba un date prome cu Sagine bolbe Hulanda pa asina catch up, pero Sagine a bira malo cu COVID y no por a biaha. Wally y Sagine a cuminsa papia cu otro via telefon door cu Sagine tabata den cuarentena. Apesar di e distanciamento rekeri toch Wally a dicidi di tuma e riesgo y bay bishita Sagine.
E vakantie a wordo extende y den e tempo ey nan a siña conoce otro miho y a namora di otro. Despues cu Sagine a bolbe Hulanda nan a cuminsa long distance dating papiando cu otro casi tur dia y conoce otro poco poco sin niun expectativa. Esaki a haci e proceso mas facil sin mucho dificultad door di e distancia. Den Focus Digital Magazine di e luna aki Sagina y Wally ta conta con e proceso a bay te cu nan a cumpli cu nan deseo como pareha pa drenta un union matrimonial den bista di Dios. E revista ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
Download bo revista awo!
