Naturalidad ta un palabra clave cu ta defini e tendencianan cu ta triunfa den 2026. E beyesa cu ta haci su entrada e aña aki tin un punto den comun: busca na bolbe na loke ta natural y autentico. E tononan suave, cutis luminoso y acabado cu ta laga nos rasgonan respira. Un tendencia cu ta enfoca den sinti bon sin exceso ni artificialidad. Bisando esaki, tuma nota di e proximo tendencianan di beyesa.
E tendencia di makeup e aña aki ta enfoca den resalta e beyesa natural y esencia di cada hende muhe. No ta busca pa tapa of disfrasa, sino podera e rasgonan. E makiyahe ta hopi dirigi riba e efecto bunita di e cara y menos ta mas. P’esey e prome paso pa sigui ta scoge un base di makeup di acuerdo cu e tono di cuero y cu ta suave door cu nos ta biba den un clima, unda cu ta haci calor.
E ta ideal pa aplica un makiyahe suave durante dia pa asina e piel por transpira. E makeup artist di L’Oréal Paris, Jason Guasch, semper ta recomenda pa na final touch up cu un briyo pa e look keda mustra jong y fresco.
Un base excelente ta True Match Super-Blendable cu ta bin den un formula vegan cu un pomp facil pa uza! E ta mescla asina perfecto cu ta manera cu no por bisa unda e base ta caba y e cutis ta cuminsa. Plus e formula ta hopi suave y ta laga bo cara cu un apariencia natural. Elabora cu hasta 6 pigmento pa logra un combinacion cu mas precision y adapta na cualkier color y textura di cuero.
Ora ta trata di eyeshadow ta e tononan tera/neutral ta domina. Sinembargo nos por haya opcionnan mas yamativo tambe manera tononan of acabadonan metalico. Y pa blush ta recomendabel pa aplica e tononan neutral cu ta parce natural sin mustra ta di mas.
Lipnan voluminoso ta ganando popularidad, pues e amantenan di lipnan yamativo y briyante tin suerte. Plump Ambition Hyaluron Lip Oil by L’Oréal Paris, enrikece cu hyaluronic acid y tripeptides, ta brinda hidratacion durante 24 ora y un briyo briyante sin sinti cu e lipnan ta plak. Cu un applicator suave ta masashi riba e lipnan pa logra un acabado luhoso y voluminoso.
Sigui tur locual ta e tendencianan di beyesa den Focus Digital Magazine den su segmento di Beauty Trends! E revista ta accesibel ‘gratis’ via Apple Store, Android Google Play Store y www.focus.aw (Menu Tab FOCUS DIGITAL). E edicion di januari ta laga e audienca keda bon informa cu su contenido cu un variedad di topico interesante.
