Hopi biaha nos ta pensa cu pa logra un cas sofistica ta necesario renobacion grandi of un inversion financiero grandi. Sinembargo berdadero elegancia hopi biaha por haya den e detayenan chikito. Ta e desicionnan discreto ey, pero bon pensa cu ta transforma un espacio comun den uno cu ta mustra cuida, harmonioso y elegante. Si ta desea pa bo cas mustra mas organisa, moderno y visualmente caro, por cuminsa cu e tres cambionan simpel pero poderoso, cu Dalia y Rayson Semeleer di Dalia Design Studio ta comparti den Focus Digital Magazine di maart.
E prome sugerencia cu nan ta duna ta pa cambia e baki of plastic cu e productonan di uzo diario ta bin den dje pa uno neutral. Manera habon pa laba man of detergente pa tayo, cual hopi biaha ta bini den pakete cu labelnan cu ta capta atencion, colornan fuerte y informacion visual excesivo. Aunke nan ta practico, esakinan por stroba completamente e estetica di un baño of cushina bon diseña. Opta pa ‘dispensers’ di ceramica, glas of acabado mate cu ta yuda crea un sensacion inmediato di orden y elegancia.
Dicon e ta funciona: Un espacio liber di label ta transmiti trankilidad visual y ta mustra miho pensa, comosifuera cada elemento a wordo escogi cu intencion. E conseho cu Dalia Design Studio ta duna ta pa scoge un solo estilo di container pa henter e espacio. Tononan neutral manera blanco, color tera, preto matte of amber ta betnan sigur. E otro dos cambionan simpel pero poderoso por haya sa mas di nan den e revista, cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
