Un evento unico y yen di inspiracion lo tuma luga riba diasabra 30 di mei 2026, unda e comunidad ta bira e heroe den nan mes, mientras cu hunto ta contribui na un bon causa. Cruz Cora Aruba ta orguyoso di anuncia Capes for a Cause, cu ta un evento pa recauda fondo pa proyectonan social pa comunidad di Aruba, manera: Barica Yen, Curason Contento, Food Kitchen, Back to School Haircuts, Personal Hygiene Packages y otronan.
E heroenan cu bin fiesta por disfruta di un ambiente espectacular cu lo inclui e musica unico di Robert su Solo Banda Show y animacion di DJ Randy di Megateca Metropolis. Entrada pa e evento ta AWG 375 pa 2 persona, incluyendo 4 tokens y tapas, cu un cash bar disponibel durante e anochi. E fiesta ta cuminsa 7:00 p.m. te 11:00 p.m. na Cruz Cora Dakota.
Capes for a Cause ta simbolisa e forsa di comunidad, compasion y accion. Cada capa ta representa e heroe cu tin den nos tur—un recordatorio cu hunto nos por crea un impacto real den bida di otro. Cruz Cora Aruba ta invita tur miembro di comunidad, compania y organisacion pa participa y sostene e causa aki.
Pa mas informacion of reservacion: [email protected] of tel. 5822219
