MISS MEXICO CORONA COMO MISS WORLD 2018

Despues di un bunita reinado di Manushi Chhillar como Miss Mundo 2017, Miss Mexico Vanessa Ponce De Leon a ser corona como Miss Mundo 2018. Despues di drenta den e Top 5, Miss Mexico a gana e curason di e audiencia cu su sonrisa encantadora y su trahe espectacular den color marfil cu detayenan den plata. Un total di 118 representante for di tur rond mundo a participa den e certamen cu a tuma luga na Sanya City Arena na China.

Den e parti di entrevista Miss Mexico a score den su contesta riba e pregunta; “Con e lo uza su influencia como Miss Mundo pa yuda otro”. Su contesta ganador tabata cu e lo uza su posicion mescos cu e tabata haciendo durante e ultimo tres añanan. Cu nos tur por ser un ehempel di bon na mundo. Cu nos tur mester cuida, stima y ser amabel cu otro. E no ta costa nada y yuda no ta asina difícil. Nos mester djis sali eyfo y semper tin un hende cu mester loke bo tin di ofrece. Asina ta cu yuda ken cu bo por.

E beyesa Mexicana di 26 di edad ta hiba e prome corona di Miss World pa su pais. Vanessa Ponce de Leon a nace y lanta na e ciudad di Guanajuato y crece na Mexico City. El a cuminsa su carera den modelahe den Mexico Next Top Model na 2014, cual competencia el a gana. E aña aki na mei el a ser corona como Miss World Mexico 2018. Vanessa tin un grado den Comercio Internacional di e Universidad de Guanajuato y tin un diploma tambe den derechonan humano. E ta traha na un scol cu ta yama “Nenemi”, cu ta duna educacion intercultural na e muchanan indigena.

Continental Queens of Beauty