Un di e titularnan riba e portada di FOCUS di e luna aki ta; “ESLAINE UN VLOGGER INNOVATIVO”. Eslaine ta vlog loke mas e ta gusta; make up, biaha y estilo di bida. E ta ricibi hopi bon reaccion, pa su manera con e ta make up y papia dilanti camera.
Eslaine a studia Hospitality & Business Management na Universidad di Aruba y tabata traha part-time na Medstar Group y ta eynan el a haya e oportunidad di haya e sensacion di kico ta mercadeo. Via uitzendburo el a haya un entrevista cu Ravee Nandwani na Boolchand’s, y manera nan ta bisa ‘the rest is history.’ Eslaine ta e marketing manager di The Boolchand Group y ta bendiciona cu un hefe cu ta apoy’e y dun’e e libertad, pa asina bin cu e ideanan nobo pa Boolchand’s, y “Black Friday” ta esun cu mas ta refleha esaki. Y sin laga afo e oportunidad pa biaha y conoce nan otro localidad den Caribe y Merca.
E decisión pa cuminsa como un vlogger ta despues di basta tempo, cu e tabata filma tur promocion pa Boolchand’s y PANDORA, pa cuminsa vlog locual e gusta mas, cu ta; make up, biaha y estilo di bida. Y asina pocopoco e ta filma segmento, ora e haya un oportunidad. Eslaine su ultimo video ta duna bo tips con pa logra un “Vampy Fall Look”… Disfruta di dje!
