Johanna Stroo ta un coach certifica di salud, casa y mama di 2 yiu. El a bin Aruba 15 aña pasa for di Colombia. Algun aña pasa, a diagnostica su yiu muhe chikito cu un defecto raro di curason congenital y el haci operacion na Bogota, cu a bay completamente robes. Algun luna despues a bolbe haci un operacion na Boston, unda a scapa su bida. E experiencia aki completo a cambia Johanna su forma di wak salud y el a dicidi pa studia mas tocante nutricion pa sigura un futuro miho y mas saludabel pa su yiu muhe y su famia.
Johanna no tabata sa cu e experiencia aki completo, lo tin impacto riba otro hende su bida y salud, te ora cu el a cuminsa traha cu hende, cu tambe tabata busca cambio pa un estilo di bida mas saludabel. Actualmente Johanna ta traha cu cliente individual, siñando nan con pa mehora nan salud y bienestar den general. Johanna tambe a traha cu varios corporacion riba e isla, yudando nan empleadonan transforma pa un estilo di bida mas saludabel.
Johanna ta sigui un ‘intermittent fasting’ cu ta consisti di no come pa 12 ora.
E tecnica antiguo aki ta hopi conoci pa su beneficionan saludabel, manera: rehubenecemento di cel, expresion di gene pa protega e curpa contra malesa, yuda pa baha peso, specialmente e ‘belly fat’, ya cu e ta boost e rate di metabolismo. Intermittent fasting ta un tremendo herment pa hende cu ta sufri di diabetes y resistencia di insulina, ta yuda reduci inflamacion den curpa, saludabel pa curason y ta preveni cancer.
Su mensahe: “Aruba ta un pais magnifico, cu ultimamente ta afecta cu un cantidad grandi di condicion manera; obesidad, diabetes y problema di curason, tur deriva for di habito di come no saludabel. Esaki ta door di come demasiado sucu, come anochi laat, sin fin di snacking, cumpra demasiado cuminda na drive- tru of cuminda cu contenido halto di vet satura y carbohidrato refina”.
Johanna su mesun rutina pa biba saludabel ta consisti di tur mainta lanta bebe awa poco cayente cu juice di lamunchi. E ta prepara desayuno pa su yiunan y e ta bebe mi smoothie berde, ora e ta bay gym pa 1 ora pa HIIT (High-intensity interval training). Despues di esey e ta bay oficina pa atende su clientenan y despues direccion pa cas, pa prepara un lunch dushi y saludabel pa su famia. Anochi e ta prepara un sopi di berdura of juice berde y di mes e no ta come despues di 7or pm, te siguiente dia, ora e desayuna 7or am.
GREEN SMOOTHIE PA BAHA PESO
Ingrediente:
• 1 cup spinashi
• 1/2 cup blueberries gefreeze
• 1 cuchara flax seeds
• 1 cuchara spirulina of wheatgrass
• 1 cup lechi di almendra ‘unsweetened’
• 1 date of stevia pa sabor
Blend te ora e bira un crema.
Quinoa Salad cu Berdura Roasted
Ingrediente:
– 2 cup di quinoa cushina
– 2 cup di awa
– 1 zucchini mediano
– 1 carot mediano
– 1 siboyo cora chikito
– Suficiente azeta pa tap’e superficialmente, sea salt pa sabor
– Juice of un lamunchi fresco
Instruccion:
Roast e berduranan corta den forna na 300 of te ora nan bira suave y pone un banda.
Cushina e quinoa te ora e bira ‘fluffy’ y awa ta absorbe den 15 minuut.
Pone hunto y sirbie cayente of na un temperatura di camber cu juice di lamunchi pa sabor.
Delicious Guacamole
Ingrediente:
– 2 awacati
– ½ jalapeno
– 1 tomati corta
– Mita siboyo corta
– 1 djente di conoflok, mula
– Juice di lamunchi
– Cilantro fresco corta
– Un tiki salo
Instruccion:
Djis corta y machicha tur e ingredientenan den un baki, bruh’e bon. Sirbie cu ‘brown rice chips’.
