Ta un honor pa bisa cu KLY EYECARE ta un negoshi dirigi y maneha pa dos hende muhe Arubiano. Den pasado nan a bay Hulanda pa studia, gara experiencia y bolbe pa yuda Aruba su economia bay dilanti. Un duo perfecto forma pa Ica Felix-Geerman, cu mas di 20 aña di experiencia den e ramo di optica y midicion di wowo, y Yourainne Kelly, cu su 11 aña di experiencia den e ramo di cuido di wowo y optica.
E vision di KLY EYECARE ta pa pone mas atencion y dedicacion na e wowo, bista y e desaroyo di esakinan. Nan ta enfatisa riba e cuido preventivo, pa cu e organo WOWO y su funcion, esta e BISTA. Un bril no ta bisti e hende, ta e hende ta bisti e bril y ta pa esaki KLY EYECARE, tin diferente tipo y estilo di bril pa tur cartera.
Yourainne Kelly
Na 2007 el a bay Hulanda bay studia e vak Optometrie. E estudio aki el a hacie 2 aña largo. Como studiante di optometria, nan tabata haya basta les hunto cu e studiantenan di orthoptie. Aki el a cuminsa ripara cu e materia orthoptie tabata hala su atencion mas. Ora e momento a yega pa drenta di 3 aña optometria, el a opta pa cambia di estudio, anto drenta ful den orthoptie. Yourainne a muda bek na Aruba na december 2013. Na Aruba el a haya experencia den su ramo, prome cu e y Ica, a dicidi di habri KLY EYECARE.
Ica Felix-Geerman
Mientras cu Ica tabata traha como trahado social y cultural na municipio Nieuwegein y Ijselstein. El a dicidi di cambia di profesion y na 1998 el a cuminsa cu e estudio na Amersfoort di Opticien. Desde 2005 el a bira filiaal manager na Utrecht na Kanaleneilanden, cu ta un bario mixto grandi di diferente nacionalidad. No tabata straño den e bario eynan un ‘’allochtoon’’ como manager, pero si como un hende muhe pa haya respet y confiansa di e cliente! Ica tabata train e stagiairenan y e empleadonan, cu ta bin traha den e compania.
