Meghan Markle a atende ayera hunto Queen Elizabeth algun evento na Cheshire. A pesar cu el a drenta rapidamente den su carera real, e no por a asumi e compromisonan di ayera sin ayuda.

E persona cu a ser nombra como e experto cu ta guiando e Duchess of Sussex ta Samantha Cohen. E consehero real tabata presente na e eventonan ayera na Cheshire, pero kisas debi cu e atencion tabata riba e royals su presencia no a ser asina tanto nota.

Samantha Cohen (49) ta originalmente di Brisbane, Australia y el a join Buckingham Palace press office na 2001, The Times a reporta. El a haya trabou na e palacio despues di a contesta un anuncio den corant unda ta solicita un ‘media minder’ durante un biahe na London casi dos decada pasa. El a subi di posicion durante e transcurso di añanan y el a ser nombra “Commander of the Royal Victorian Order” pa Queen Elizabeth na 2016.

Samantha Cohen yegando St. George’s Chapel na e matrimonio di Prins Harry y Meghan Markle

Samantha Cohen a anuncia su renuncia aña pasa pa sigui Sir Lord Geidt, e secretario priva di e reina na ken Cohen ta hopi leal, cu a renuncia na juli. Sin embargo, el a acorda pa keda cu e generacion mas hoben di e realesa y ta actua como secretaria interino priva di e Duke & Duchess of Sussex. Mrs. Cohen ta ser describi como un persona profundamente comprometi pa sirbi monarquia. Segun e expertonan riba e tema, cu Samantha ta e asistente perfecto pa yuda Markle den algun di e aspectonan complica di protocol.

LEAVE A REPLY

Please enter your comment!
Please enter your name here