Darlene Engelbrecht-Falconi a luci un shimis di bruid cu a resalta elegancia riba su figura escultural. E miho descripcion cu Darlene ta duna di su shimis ta: “My Dream Dress”. E tabata e prome shimis cu el a haci fitting y a tuma e decision mesora. E estilo ta sirena hopi femenino, sensual y eterno. E tela ta ful Chiffon, Crystal tulle y e flornan borda di hilo, cu ta florece riba henter e curpa. Su velo tambe ta ful cu flornan di hilo borda.
Darlene su shimis di bruid y velo ta di ‘Atelier Pronovias’ di Pronovias Barcelona, completamente confecciona na su gusto, cual e mester a biaha 3 bes pa New York pa fittings, pero e tabata bal e esfuerso. “It’s the most Perfect & Beautiful Gown I have ever chosen”. Su bouquet tabata di Cascading White Orchids & Roses. E tabata kier algo clasico y su flornan faborito ta Orkidia y Rosa. Darlene & Rick a scoge color “White & Light Blush” paso nan kier a mantene tur cos hopi; Puro, Clasico y Romantico, p’esey cu a refleha esaki completamente. Den edicion di FOCUS di september cu su highlight ta Boda, por mira e reportahe completo cu tur e detayenan di e fabuloso boda di Darlene & Rick Engelbrecht.
