Megan Markle a yuda produci un buki di receta pa un grupo di hende muhe envolvi den e e tragedia di Grenfell Tower, cu ta dirigi e Hub Community Kitchen pa e vencidario. No solamente cu el a skirbi e prologo pa e buki, pero el a pasa tempo cushinando cu e muhernan y yuda nan publica e buki. E ganashi di e buki lo yuda mantene e cushina, cual lo permiti pa e keda habri y prospera. Diahuebs awor 20 di september, e lo ta anfitrion di un evento festivo na Kensington Palace y kisas cu Doria Ragland tambe lo bay ta presente .
Markle a cuminsa bishita e grupo na januari 2018, djis algun luna despues cu su compromiso cu prins Harry. E proyecto aki ta significa hopi pa e aworaki Duchess of Sussex tanto pa e hende muhernan como e buki di receta. Den un declaracion riba e website Royal Foundation, el a bisa cu el a sintie conecta inmediatamente cu e cushina comunitario aki. Pa haci e fusion di identidadnan cultural bou di un solo dak comparti, ta crea un espacio pa sinti un sensacion di normalidad y mas den un forma di alegria- algo cu nos por relaciona cu ne.
Duchess of Sussex a combina su pasion pa cuminda y filantropia cu un proyecto excitante. Despues cu Meghan a haci e prome bishita na januari, el a continua cu su bishitanan priva. Na februari a keda releva cu e tabata haci bishitanan secreto cu e victimanan di e candela di Grenfell Tower prome cu su boda real. E cookbook “Together: Our Community Kitchen”, ta contene 50 receta di e hende muhernan cu nan comunidad a ser afecta pa e candela na Grenfell Tower na juni 2017.
