E fin di siman aki na Aruba tin un line-up di nivel mundial di artistanan local y internacional cu lo bay entretene riba cuater diferente escenario na Caribbean Sea Jazz Festival. Esaki ta e di 12 edicion di e gran espectaculo aki, cu tin cuater diferente stage pa entretene e publico. Esun den aire liber cu ta Padu Stage, esun dilanti Café de Plaza cu ta Divi Stage, den Renaissance Convention Center tin Purple Stage y Almost Naked Stage den e centro di e venue. Como un bonus e publico lo ricibi e bonbini pa un live-band cu ta bay presenta na entrada di e tereno unda e festival ta tuma lugar pa asina bay drenta den e ambiente mesora. Keda pendiente pa mas di e artistanan cu lo bay presenta riba e escenario den fin di siman di Caribbean Sea Jazz Festival na Aruba.
