Tur cos ta cla, venue ta hañando su ultimo detayenan, e parti di arte den convention center tambe ta casi cla pa e evento di Caribbean Sea Jazz Festival 2018. Durante rueda di prensa cu a tuma lugar na Renaissance Convention Center, a duna inicio na e weekend di e evento. Cu un presencia basta grandi di prensa, tanto local como internacional, e organisador Erik Eman, a welcome tur presente. Na mesa tambe tabata presente Spike, kende ta cantante di Di-Rect, un banda masha popular mes di Hulanda, cu ta conta cu un cantidad basta grandi di fanatico na Aruba. Como e branding partners nan di CSJF tabata presente Tita Iglesias di ATA, Rowals Werleman di Tropical Bottling Company y Zugheila Lindenborg di Renaissance Hotel.
Como parti di Caribbean Sea Jazz lo ta bay tin “Tribute to Caribbean Jazz Project” cual ta bou di encargo di Andy Narell. Tabata hopi apart pa scucha con e ta conta cu nan mester a train masha largo mes pa nan por a corda e canticanan, paso ta basta tempo a pasa. Tambe lo tin un “Tribute to Sade”, cual ta bow encargo di un talento local, kende ta Jeanoir Koolman.
E evento mes ta cuminsa awe diabierna, cu artistanan mane Jorge Celedon. directamente di Cuba, un banda completamente di sernan femenino, Anacaona, kende ya den pasado a bishita Aruba y a forma parti di CSJFA. Althea Rene, kende lo ta encarga e anochi aki pa e parti di Jazz. Pa loke ta nos bandanan local, diabierna nos lo tin Havana Vieja All Stars.
Diasabra por orguyosamente anuncia cu tin Kathy Sledge, di e famoso banda Sister Sledge. Tambe tin Di-Rect un banda famoso di Rock di Hulanda. Y Diabierna, pa tur nos Jazz lovers, Yellow Jackets y tambe Eric Darius cu su banda, kende lo entretene cu nan seleccion musical di Jazz, R&B, Hip-Hop and Pop
Ticket ainda ta obtenibel na Casibari como tambe na Super Food como tambe via e website www.caribbeanseajazz.com. Prijs ta $65 pa dia y pa e weekend pass $120. Pa loke ta entrada VIP esaki ta cuminsa na $175 te cu $3000. Ta pidi tur hende pa bishita e website pa mas informacion pa nan entrada VIP of nan por jama 588-0211
Tambe nos tin Di-Rect un banda famoso di Rock di Hulanda. Y Diabierna, pa tur nos Jazz lovers nan, Yellow Jackets y tambe Eric Darius cu su banda, kende lo entretene nos cu nan seleccion musical di Jazz, R&B, Hip-Hop and Pop
Nada di tur loke nos a menciona ta posibel sin e patrocinadornan cu aña den aña afor ta kere den e festival aki. Y ta pesei semper nos ta aprecia y duna un danki hopi special na Aruba Tourism Authority (ATA), Tropical Bottling (Chill), Aruba Airport Authority (AAA), Renaissance Hotel, Divi Resorts y tambe Unoca.
Pa mas informacion riba nos festival Caribbean Sea Jazz Festival Aruba 2018 como tambe pa compra di bo ticket, boso por bishita nos website na www.caribbeanseajazz.com
