Recientemente famia Van Heesen-Laclé a pasa nan vakantie na Aruba y semper ta un momento pa pasa tempo cu Zayènne su mayornan. Nan ta hospeda na e cas, unda Zayènne mes a lanta como mucha y e ta mira un felicidad enorme cerca su yiunan tambe, ora nan hunga den e mesun hardin, cu tanto Zayènne a stima como mucha. Durante su vakantie, Zayènne a pasa tempo tambe cu su amistadnan y goza tur dia di e bunita awa blauw di Aruba.
Na momento cu Zayènne sali for di aeropuerto, e ta sinti e dushi biento di Aruba, cu ta yam’e bonbini. Esey ta un sentimento di puro felicidad, cu el a yega cas. Loke mas Zayènne ta haya falta di su isla, ta e conexion cu lama. Como mucha nan a lanta, cu tur dia nan ta core den auto band’i lama, ya cu esey tabata e ruta pa nan bay scol y despues di scol, casi tur dia, tabata bay lama. E sintimento di santo fini contra su pia, e zonido di e baybin di e olanan, e bunita blauw di e awa, ta algo magico pa Zayènne y tin diferente beach di Aruba, cu ta bon ancra den su curason. Sin kita afo, e falta cu tambe e ta sinti di su famia- y amistadnan.
Dene e edicion di FOCUS pa e luna di october a realisa un entrevista cu Zayènne Van Heesen-Laclé unda e ta comparti su pensamento tocante e desaroyo di Aruba y ta bisa cu e ta spera cu no ta asina leu, pero nos ta yegando na e punto, cu Aruba ta bira victima di su propio exito economico. Nos ta un isla chikito y e balansa, pa yega na un desaroyo sostenibel den su opinion no t’ey. E rapidez den cual nos ta yena nos costa cu condominiums y ainda mas hotel, a costo di naturaleza y serenidad, na beneficio financiero di un grupo chikito, ta alarmante. Zona di trankilidad of naturaleza ta birando un scarcedad.
E potretnan hunto cu e entrevista ta dia cu e yiu mayor di Ariën y Zayènne, Zarah-Sophia Aimée, a celebra su Prome Santa Comunion. E pareha tin 3 yiu: Zarah-Sophia Aimée (8), Oliver (6) y Laurent (2).
Fotografo: Yvette Moeskops
