E cuidad colonial pintoresco, Villa de Leyva, cu ta keda pafo di Bogota tin su arkitectura original di 400 aña pasa, cu a conserva su cayanan di piedra. E sensacion lo ta manera cu bo ta tuma un time machine bek den tempo den siglo XVI. Villa de Leyva ta sin duda un destino di compra, cu yen di tienda chikito na rand di e cayanan pintoresco den e pueblo. Sin embargo tin un tienda cu ta resalta den un di e skinanan, Museo del Chocolate, cu bo no por resisti di no keda sin drenta.
E Museo del Chocolate de Villa del Leyva, cu a ser funda dia 13 di september 2013, ta ofrece un experiencia unico di chuculati artesanal. E ta recorda y evoca e historia di e region, e beyesa natural, arkeologia y patrimonio paleontológico (estudio di fosil). Nos ta recomenda si bo ta di bishita na Bogota, Colombia, pa pasa un weekend na Villa de Leyva unda bo lo disfruta di tur loke e ciudad colonial pintoresco aki tin di ofrece.
