Priyanka Chopra y Nick Jonas a casa despues di un relacion di shete luna. Den e ultimo dianan e celebracion di e casamento a atrae atencion di prensa y celebrity watchers di ful rond mundo. E pareha a comprometi na juli despues de un romance di dos luna y haci nan promesa di amor durante un luhoso ceremonia Occidental den e impresionante hotel di cinco estreya Umaid Bhawan Palace e fin di siman aki. Priyanka a luci un shimis di bruid personalisa pa Ralph Lauren y Nick tambe a bisti un trahe di e diseñador. Durante un chat reciente cu E! News, Nick a bisa cu Priyanka ta e muhe cu e kier pasa e resto di su bida cu ne.
Ralph Lauren a comfirma e noticia riba Twitter:
Congratulations to @PriyankaChopra and @NickJonas on the occasion of their wedding. Ralph Lauren is honored to have dressed the couple as well as the members of their wedding party.
Pictured here attending #RL50 earlier this fall, shortly following their engagement announcement. pic.twitter.com/9jAZC5vVYz
— Ralph Lauren (@RalphLauren) December 1, 2018
E tata di Jonas a ofrece un ceremonia Cristian unda e pareha a intercambia renchinan di Chopard. Un momento special cu tabata repleto di estreya manera e rumannan Jonas; Kevin, Joe y Frankie y nan respectivo parehanan. E mayornan di Nick, Paul y Denise, a join e mama di Priyanka, Madhu Chopra, y un prima Parineeti Chopra. Diadomingo e pareha lo contiua cu nan casamento cu un ceremonia tradicional Hindu.
E celebracionnan a inicia na october, ora cu Priyanka a disfruta di un despedida di soltera na Tiffany’s Blue Box Café na New York prome cu el a biaha hunto cu su ‘girls squad’ pa Amsterdam pa su bachelorette party. Otro festividadnan prome cu e boda a inclui un Mehndi party, cu ta un celebracion di baile y canto, mientras cu e fiesta ta tuma lugar a mira e novia aplica henna na su brasa y pianan.
