Bo tambe ta puntra bo mes; “Kico ta na moda pa Pasco 2018 den decoracion di cas?”
E aña aki ta mane e dicho bieu: “algo nobo… algo bieu”, den e caso aki vintage y algo recicla! Tarita Riley ta duna algun tips pa decora bo cas pa Pasco.
Semper bo mester tin un estilo of color, pa determina y guia bo con bo ta bay decora bo cas. E decoracionnan di Pasco por ta asina leuk, specialmente door cu nos por uza nos creatividad. Con pa ta na moda y haci bo sala elegante e aña aki pa Pasco? Aki tin un idea pa reduci bo decoracionnan, ya cu simplicidad ta e yabi e aña aki.
Un simpel vaas transparente riba mesa, yena cu e balanan di Pasco di e añanan anterior of cu e takinan di bo cura, gespuit na color, por ta un bunita center piece. Combina esaki cu bela of luz di Pasco di bateria den dje, pa duna e sfeer cozy den bo hogar.
Si bo ta puntra bo mes ki color ta na moda e aña aki? Aki ti un paar di idea! E aña aki e colornan ta varia entre blauw, biña, shinishi y blanco y preto. FLORA Home & Garden Decorations tin decoracion di tur color y sigur por acomoda bo cu e ultimo trendnan aki.
Pero tambe nos ta wak cu e colornan metal di brons, koper y oro, ta keda e aña aki ainda, pa duna un look hopi moderno y glamuroso, cu bo por combina cu e tokenan blanco y oud ros. FLORA Home & Garden Decorations tin un variedad grandi pa cu esakinan.
Loke ta hopi na moda tambe ta e look di Urban Chic, aki bo por combina e diferente metalnan cu otro cu ta plata, oro y brons, cu ta duna bo cas un look contemporaneo. E formanan geometrico aki ta hunga un rol sigur, ora ta trata di decoracion pa e kerstboom of por ehempel candle holders of vaas riba mesa.
Riba e mesa sigur e tayonan blanco den diferente grandura ta keda hopi bunita, cu e mesa decora cu e color y estilo cu den resto di bo cas.
