Un pabien ta bay na Diandra Werleman-Genser cu a bira e ganador di e concurso pa scoge e portada di december. E team di revista FOCUS ta gradici tur e personanan cu a haci nan escogencia, cua segun nan ta e portada di december. E beyesa impactante di Shanty Kanhai, a crea e oportunidad pa diseña 4 portada pa e edicion di Fin di Aña. Un team di experto a forma parti den e team di FOCUS pa duna nan voto pa scoge e portada di december. Den mesun forma cu por a lesa diferente opinion dicon a gusta portada 1 – 2- 3- 4, asina tambe nos a ricibi cada persona su criteria dicon nan ta scoge tal portada. Finalmente a bay di acuerdo pa e portada 3 y esaki tambe ta e portada cu a cay mas na gusto di mayoría di hende. Nos ta gradici e ekipo cu a pone nan arte y creatividad pa realisa e portada aki. Pa cuminsa e beyesa Shanty Kanhai, Miss Teen Earth 2018, Elvis Hurtado cu ta e estilista y makeup artist Louryanne Dabian. E fotografo Suhaila Alders, Robin Croes di Miss Youth Aruba, Anyu Wadhwani di Jewels in Paradise y diseñador di e portada Jose Angel Fajardo conhuntamente cu e team di FOCUS. E revista ta riba mercado for di mayan mainta y sigur ta un ‘must have’ pa tin den bo coleccion.
