Ora ta trata di Academy Awards, tur hende sa cu no por falta e shimisnan espectacular pa deleita e wowonan, pero en general ta e ‘beauty looks’ ta loke ta trece tur e emocion. E aña aki Oscars no a decepciona! E ‘A-Listers” a cana riba e red carpet di Dolby Theatre na Los Angeles y cautiva mundo cu nan estilo di peiñado y makiyahe. For di Regina King su ‘wavy bob’ te na e transformacion di e cabey di Charlize Theron pa e ‘smokey eyes’ metalico di Amy Adams. Nos ta trece Top 7 miho ‘beauty looks’ di Oscars 2019.
Regina King
Regina King por a gana ‘Best Supporting Actress’ pero el a gana tambe cu e impresionante ‘wavy bob’.
Lady Gaga
Lady Gaga su ‘glam squad’ a inclui makeup artist Nicole Tanno y hairstylist Frederic Aspiras. Pa e glam look di su cabey a uza e productonan di Joico. E stylist a uza un soft curl iron pa krul su cabey cu ondanan suave y despues a style un updo super waw. Pa e makeup e tabata completamente estilo di Marc Jacob Beauty, cu tabata suave, fresco y jong. E lipstick cu a aplica tabata Le Marc Lip Creme Lipstick.
Kacey Musgraves
Kacey a opta pa un look di makiyahe increiblemente romantico cu pestaña estilo popchi y lipnan briyante den color nude.
Gemma Chan
Gemma Chan no solamente a luci bunita cu su eyeshadow den dos tono y cu un eyeliner pa duna e mirada mas impacto, sino tambe el a pone e miho acesorio pa e cabey di e anochi.
Amy Adams
Amy Adams a acudi na e makeup artist Stephen Sollitto pa dune su Oscar Beauty look. Uzando e productnan di makiyahe di Charlotte Tilbury, el a agrega un sombra di wowo ‘smokey metallic’ y pa e lipnan e Pillow Talk lipstick. Pa su wangen el a opta pa uza Filmstar Bronze & Glow.
Charlize Theron
Si bo mester scoge un ocasion pa estrena un color di cabey nobo di impacto, pakico no hacie estilo Oscar a la Charlize Theron?
Emilia Clarke
Emilia a mustra super fresco cu su wangen ros y cu su lipnan tambe den un tono ros suave y bunita.
