Semper David a biba na Francia, prome cu el a yega Aruba, dia 6 di november 1990. E prome cos cu a atrae di e isla tabata, e amabilidad di e hendenan y cu aki e bida ta mas trankil. David a crece memey di chef den cushina den e restaurantnan di su tata na Francia y awendia ta forma parti importante di Casatua y Bohemian, cu ta dos restuarant cu ta brinda un experiencia unico na Aruba, tanto na e local- como e turistanan.
E tempo cu David a muda pa Aruba, e hendenan no tabata sa cu su tata, Victor Nataf, ken tabata e propietario di e tiendanan Benetton, tabata antes den e negoshi di restaurant y cu ademas e tabata un dentista. David a bin Aruba pa traha cu su tata den e negoshi y biba riba un isla tropical, lagando atras su bida den zomer na Sur di Francia y den Winter den Alpen. El a crece conociendo loke ta e delicia di e cushina Mediteraneo y ta corda cu hopi nostalgia e temporada cu el a pasa como mucha na Francia. Cu hopi emocion e ta conta di e epoca, cu a marca un etapa importante den su bida, mientras e ta sinta den Bohemian, un restaurant cu el a crea, completamente for di un espacio patras den un parking lot. Lesa e interesante entrevista cu David Nataf den edicion di FOCUS di e luna aki.
