Den un ambiente masha agradabel diasabra GLW Foundation a invita prensa, patrocinadornan, reinanan y famianan pa asina cera conoci cu e participantenan pa Miss Teen Aruba International 2019. E Presidente di GLW Foundation a hiba palabra, y a papia di e diferente proyectonan social cu nan ta haci pa aña cual ta; “Un Man pa nos Ruman” den temporada di Fin di Aña, tambe “Cupcake di Speranza” pa Valentine’s Day y e aña aki “ Un cariño di Shon Conew”, cu ta un proyecto pa traha saconan di Mangel pa diferente instancia, cu e aña aki tabata pa Casa Cuna, Imelda Hof, Bibito Pin y muchanan na Hospital.
Durante e anochi tabata tey presente Ethan cu ta surfi di e problema di cuero conoci como Butterfly Skin y e aña aki e foundacion durante e proyecto Cupcake di Speranza a dedica esaki na Ethan. Hunto cu su Mam,i Shahaira, diasabra ultimo a ricibi un evelop cu un montante bunita pa asina por yuda Ethan den su cuido pa e enfermedad. Shahaira basta emociona a dirigi algun palabra mientras cu Ethan a ricibi un macutu yena di webo cu mangel y tambe un bunita rosario den e colornan blauw y blanco, cual ta e color di e enfermedad Epidemolosis Bullosa.
Miembronan di Comision e aña aki ta; Cathy Helder, Nurianne Arias y Nelkis Arends, mientras cu filiming ta bou encargo di Levy Geerman. Despues a pasa over pa asina corona Aruba su representantenan pa Turismo Mundia, cu lo tuma lugar otro luna na Aruba di 14 pa 20 di mei. Den categoria Teen lo representa nos : Odalys Rivero , pa categoria Miss ta Anaidy Binda y den categoria Sra lo ta Miriam Contreras.
Despues a sigui pa instalacion di e candidatanan pa Miss Teen Aruba International 2019, y manera cu e presidente a indica cu kisas no tin hopi cantidata, pero hopi potencial den competencia y sigur 3 corona internacional. E candidatanan ta Leedha Harms cu lo representa Hair Hairstyling and Beauty Parlor, Chantal Conradus cu lo representa Naquai by Rhona Lemminga y Ileyna de Cuba cu lo representa N Designz .
