Actualmente ta den pleno campaña como candidato pa Alcadía di e Municipio di Magangué, Candy Rasmijn-Reino. E ciudad di origen di Candy, Magangué, ta un municipio di Colombia den e Departamento Bolivar. Di acuerdo cu e projeccionnan, e ciudad tin un populacion di 198.000 habitante y tabatin e waf mas grandi di e pais, cu actualmente ta hopi deteriora pa e problemanan di corupcion politico.
Candy Reino-Quintero, Magangueleña, ta ser cataloga como e promotora di e transformacion social y economico pa e municipio di Magangué. Candy awe a sostene e ‘jornada’ nacional di protesta di e trahadornan estatal den nan lucha. E ta convenci cu educacion ta e motor cu ta promove e redencion di e ser humano y transforma e conciencia di e colectividad.
Si e eleccion pa Alcaldía di Magangué ta mayan y si presenta e siguiente candidatonan, pa cua bo ta vota?
E habitantenan di Magangue tin Candy Rasmijn-Reino como e persona, cu lo bin trece e cambio cu nan merece, pa e lugar ta prospero pa tur hende. Candy lo ta bek na Aruba otro weekend y despues prepara su maletanan pa subi avion atrobe pa Colombia. E tin un reto duro su dilanti, cu contricantenan fuerte pa e puesto di Alcalde di Magangué, sin embargo e ta halto den e encuestanan pa ta e proximo alcalde. E opinion general ta, cu a yega e momento pa un hende muher tuma e liderazgo pa hiba Magangué na e siguiente nivel di prosperidad.
