Yoga a trece un ‘journey’ di salud, fortalesa fisico y mental desde cu Yohana a cuminsa practica yoga na aña 2015, door cu e tabata bou di tratamento cu diferente specialista pa motibo di stres. Inconscientemente e tabata contrae su musculonan, cu tabata causa dolor di cabes y tension den su musculonan. E conseho cu Yohana a haya di su fisioterapista tabata pa e cuminsa practica yoga. E resultado ta cu awor ya pa 4 aña e no mester tuma niun remedi mas.
Yohana a haci un research y asina el a bira un studiante na Happy Buddha Aruba, un Yoga Studio cu experiencia, cu ta wordo guia pa Corinne Voermans. E ta un Brikam Ashtanga , hot hatha, vinyasa certified yoga teacher . Yohana a sintie asina feliz practicando yoga, cu el a dicidi pa bira un instructora di yoga. Yohana a atende diferente training internacional y local, el a haci su practica di Brikam Yoga mas fuerte, cual ta un practica den 105 degrees . Esaki ta un practica cu tin disciplina y fortalesa pa bo’ inner strenght’. Recientemente el a certifica cu Carolien Gaarthuis Yoga Alliance YYF y tambe certified teacher by Paul Grilley.
Yohana ta practica yoga 6 biaha pa siman pa 75 minuut y 15 di meditacion. Na juni e lo atende e ashtanga y hot hatha na Happy Buddha Aruba caminda e lo prepara su mes pa e certificacion na Rishikesh India. Den e etapa nobo aki, Yohana ta sintie bendiciona di ta parti di un comunidad, cu cada dia ta crece mas riba nos isla. Su deseo ta grandi pa comparti y yuda tur studiante cu nan practica Yin Yoga, cu lo beneficia nos ‘14 skeletal segments’, cu ta move nos 10 musculonan y 7 postura di yoga y variacionnan cu lo por sirbi cada studiante. Yohana Roos ta cuminsa dia 3 di mei cu YIN YOGA for di 8:30am-9:45am na Happy Budda Aruba. (www.happybudda-aruba.com)
