E exhibicion di vestuario na Met 2019 cu e tema, “Camp: Notes on Fashion”, inspira pa e ‘essay’ di Susan Sontag di 1964, cu ta defini ‘camp’ como ‘amor pa e antinatural: di geniosidad y exageracion”. Mester pensa riba e formanan exagera, acesorionan teatral y cualkier cos maravillosamente excentrico. E triki ta pa encontra e Best Dressed riba e red carpet y ken a logra e mescla magico.
Celine Dion
Oscar de la Renta
Apenas un desconoci pa drama, Celine a bisti un shimis briyante inspira pa e costuum glitzy di Ziegfeld Follies. Henter e conhunto ta construi di 18 panels, traha na man pa 52 bordador maestro den 3000 hora y ta pisa mas di 22 liber.
Lupita Nyongo’o
Versace
Desde su top neon-regenboog te na su matching fan bag, e picks oro den su cabey y saya maxi cu streyanan ros, niun hende por a kita nan bista for di e vision aki.
Kylie and Kendall Jenner
Versace
E dosnan aki no a sali for di e tema y nan tabata parce un cruce di algo entre e bailarinanan di Las Vegas, Lil Kim y manera cu nan a señala riba nan propio instastories di Kendall, ‘the Wicked Stepsisters from Cinderella’.
Kacey Musgraves
Moschino
El a yega cu su Barbie Look bisti den un gown ros di cuero y su bril di solo ros cat eye. Kacey a sa di capta e momento!
Emily Ratajkowski
Dundas
E modelo a tranporta nos na e icono absoluto camp, Cher, cu e interpretacion audaz di un shimis di Bob Mackie, completo cu un headpiece cu hala.
Priyanka Chopra y Nick Jonas
Dior
E duo a regresa Met Gala, e evento unda nan ‘love story’ a cuminsa na 2017. Chopra a opta pa un makiyahe audaz cu eyeshadow fuchsia, cu eyeliner blanco, pestaña frosted, bold berry lipstick y steenchi riba su cara. Jonas a bisti un suit blanco riba un camisa y dashi yen di piedreria. El a pone extra briyo riba su sapatonan plata metalico y joyanan luhoso di Chopard.
Ciara a gana e Best Hair di e anochi di Met Gala
E cantante y bailarina superstar a luci un shimis berde esmeralda, personalisa di Peter Dundas, cu cortenan y elabora cu centenares di pluma di avestruz. El a acentua su cabey cu dos clip net riba su horeanan.
Ciara a gana e award pa e ‘best hair look’ di e anochi di Met Gala 2019. Realmente no ta otorga premio, pero e merece esey pa e afro ultra voluminoso cu a ‘shut down’ e red carpet.
Met Gala pa Met Gaga?
Lady Gaga
Brandon Maxwell
E tema Camp a ser crea pa Lady Gaga, cu su prome aparicion den un shimis ros estilo parachute pa despues kite pa revela un shimis preto abou. Pero e no a caba eynan! Lady Gaga a cambia pa un shimis di seda ros intenso cu un telefoon gigante den su man, prome cu el a bisti un lingerie chic cu meanan briyante. Tin idea pa pensa di cambia Met Gala pa Met Gaga?
