Pippa Middleton tabata un di e hopi invitadonan ‘well-dressed’ fotografía yegando e boda real di Lady Gabriella Windsor y Thomas Kingston. E ruman muher di e dukesa di Cambridge, cu tin 35 aña a yega St George’s Chapel na Windsor Castle cu su casa, James Matthews, demostrando un di e trikinan di estilo mas popular di e temporada aki. Un look den un solo tono for di cabes te pia.
Middleton a bisti un di su marcanan faborito pa e ocasion, un shimis ‘cornflower blue’ di Kate Spade, cu manganan cu plooi y cu un faha na cintura. El a combina esaki perfectamente cu un headband, cu ta otro di e tendencianan mas importante di e temporada aki. Pa finalisa e look completo el a bisti sapatonan blauw y su renchinan blauw briyante.
E otro miembronan di e famia Middleton cu a asisti tabata James Middleton, cu a yega cu su girlfriend nobo, Alizee Thevenet, mientras cu su mayornan, Carole y Michael Middleton, tambe tabata presente. Sin embargo e dukesa di Cambridge no tabata presente na e boda, tampoco prins William, cu mester a asisti na e final di FA Cup, un obligacion cu e mester cumpli como e president di e Asociacion di Futbol.
