E beyesa escultural di Corsou, Akisha Albert, a bin disfruta di un fin di siman na Aruba, hunto cu su kerida mama. Akisha ta un di e candidatanan cu durante di e certamen di Miss Universe 2018, a logra capta atencion pa su beyesa exotico y carisma. Como un di e faboritonan pa e corona, el a logra score den Top 10 di Miss Universe. Na Aruba tambe Akisha Albert tabatin un fanaticada grandi den e final di e certamen di Miss Universe.
Akisha (24) ta un persona sumamente encantador y cu ta resalta pa su amabilidad y humildad. E ta un studiante y cu e meta pa bira docente pa e vak di ingles. Ya pa 5 aña e ta organisa evento pa e personanan special pa asina trece nan den spotlight. Desde cu Akisha a sali den Top 10 di Miss Universe, e atencion riba su persona ta inmenso. E beyesa aki lo ta den edicion di FOCUS di juli den un cobertura espectacular!
