The Ritz-Carlton Spa Aruba a lansa ayera un programa exclusivo, unda un grupo selecto di persona por bay disfruta di un escape y experiencia unico. Na yegada e invitadonan a ricibi un paspoort cu “The Spa Journey” cu e cinco areanan di e spa, cu nan por a cera conoci cu nan servicio. Despues di a haya un tour den tur areanan di e spa, a sigui e presentacion di “The Exclusive Escape Program”.
E manager di e spa, Eric Abdul, despues di a gradici tur persona pa tuma nan tempo pa ta presente na e evento exclusivo aki, a splica cu hunto cu Lia Wout, Assistant Spa Manager, nan a crea un programa unico pa e huespednan local. El a tuma algun luna pa crea un programa, cu tur e beneficionan pa e personanan cu nan ta sinti cu tin e detaye di The Ritz-Carlton, Aruba. E grupo presente durante e lansamento di e ‘package’ tabata específicamente selecciona pa brinda nan e programa unico aki.
Cu e estilo di bida awendia riba un ritmo acelera entre trabou y famia, unda cada un ta pidi atencion, hopi biaha ta lubida di ‘take care’ di nos mes cu ta mas importante. Cu “The Exclusive Escape Program” nan lo bay yuda cada persona cu nan salud y bienestar, cu tur locual e programa ta ofrece. For di masashi pa kita tension of un facial, manicure y pedicure of uzo di e fitness center, tambe tur e facilidadnan di e spa, ta inclui den e ‘package’ aki, cu un compromiso 3 of 5 luna na un prijs unico.
