Giantonio Muller desde 2002 ta miembro di Kiwanis Club of Aruba, unda el a eherce e funcion di president na 2005. Di 2017 pa 2018 e tabatin e honor di a fungi como Lieutenant Governor of Division 26 di Eastern Canada and the Caribbean District di Kiwanis. Keenan y Ethan tambe ta comparti e pasion di nan tata y ta miembro activo den organisacion social den nos comunidad.
Giantonio su pasion den organisacion social ta for di inicio di Rotaract Club, unda e tabata miembro y tabatin e honor di tabata president na aña 1992. Tambe el a yega forma parti dos biaha di directiva di Union Mutualista Boneriano (Bonaire Club). Ambos tabata un experiencia sumamente excitante, unda Giantonio a siña masha hopi mes. El a siña conoce diferente hende den diferente pais y nan custumbernan y tambe el a conoce e organisacion di Kiwanis mas di cerca y profundo.
Ethan Muller actualmente ta den su di dos aña na Universidad di Aruba, den Accounting & Finance. Despues di haya su Bachelor, e lo kier sigui studia na Hulanda pa un Masters in Accountancy y asina logra su titulo di register accountant. Banda di scol Ethan ta un miembro activo di Circle K di Universidad di Aruba pa 1 aña y mey y tabata Vice President pa e aña 2018-2019. E proyecto mas recien cu Ethan a traha riba dje, ta “Pasa Dushi”, caminda riba un diasabra nan a bay na un scol basico, cu un grupo di 25 mucha y nan a hunga diferente wega cu nan.
Keenan Muller ta den su di dos aña na Universidad di Aruba, atiendo e facultad di Accounting, Finance and Marketing. Den futuro Keenan kier sigui den e pasonan di su tata, Giantonio Muller, y tuma profesion di accountant cu su titulo di RA. Ora e tabata un studiante na Colegio San Nicolas, el a bira miembro di Key Club pa 2 aña. Den su di dos aña el a bira ‘fundraising director’ di e club, unda el a organisa diferente proyecto, manera: candy cane sale, rose sale, etc.
