Un anochi ameno y chic organisa pa Penha Aruba, unda nan tienda situa na Plaza Daniel Leo a keda habri specialmente pa e invitadonan por a disfruta di un experiencia diferente. Pa e temporada di zomer e lineanan ta lansa nan tendencianan tanto den makiyahe como tambe e casnan di fragancia cu nan aroma nobo. Tur loke cu ta encera color y aroma, cu ta tuma control pa zomer 2019, a keda presenta durante ‘Summer Chic Event’ ayera nochi. E island Retail Manager di Penha Duty Free, Nathaly Martina, tabata na Aruba pa coordina henter e evento hunto cu su team.
E invitadonan cu mayoria ta e fiel clientenan di Penha Aruba, a ricibi 15% di descuento riba tur compra haci ayera nochi. Na e seccion di Kiehl’s por a haya un masashi mientras ta tuma un ‘break’ chikito pa relaha pa continua disfruta di e anochi. Un primicia tabata e introduccion di ‘Too Faced’ na Aruba, cu e linea di makiyahe presentando nan pallets, lipgloss y shiners. Esaki tabata specialmente pa e clientenan VIP pa nan cera conoci cu e linea. E acogida tabata asina grandi, cu pronto nan lo tin ‘Too Faced’ na Aruba. Sin embargo tin oportunidad awe y mayan ainda pa pasa na Penha na Plaza Daniel Leo pa cumpra e makiyahe aki, mientras cu e linea completo ta obtenibel na Penha Curaçao.
Ayera nochi a ofrece tur presente e ‘Penha Previlege Program’ cu cual bo por disfruta di experiencia y beneficionan manera: gana 1 punto cu cada dollar cu a gasta, cambia e puntonan pa producto, invitacion pa eventonan exclusivo y prome pa haya sa di e promocionnan. Durante ‘Summer Chic Event’ e invitadonan a disfruta di bubbly, biña y hors d’oeuvres durante henter anochi. Na final a saca e ganadornan di e rifa y a toca e suerte na e damanan; Edalitza Weller, Irina Croes y Dayane Bisslik mientras cu e ‘Best Dressed’ di e evento a resulta Henna Thode. Masha pabien na e team di Penha Aruba cu nan evento exitoso pa e temporada aki di zomer.
