Cuanto tempo bo ta pasa sinta na un lessenaar of dilanti un computer? E investigadornan di Universidad di Victoria y Queensland a sugeri cu e habito aki por detona e sintomanan di depresion den homber y muher. Den estudio publica den revista American Journal of Preventive Medicine ta detaya cu entre mas tempo un persona permanece sinta, mas probabel p’e sinti deprimi.
- A analisa 8950 muher, cu ta pasa mas di 7 ora pa dia sinta y a resulta cu 47% tin mayor riesgo di presenta sintoma di depresion, compara cu esunnan cu tin 4 ora of menos sin actividad fisico.
- E muhernan cu no ta realisa ningun tipo di actividad fisico, tin un risico di 99% mayor di sufri di depresion.
- Ademas otro estudio publica den American Journal of Epidemiology a sugeri cu e hombernan, cu ta pasa mas di 6 ora sinta, tin 18% mas probabilidad di muri.
Un forma di combati tristeza of ansiedad y activa e endorfinanan den e curpa ta door di realisa algun actividad, cu ta permiti bo move algun minuut pa dia. Tambe practica ehercicio ta yuda bo keda leu di e enfermedadnan mental, manera depresion, cancer di colon, diabetes y cardiovascular.
