Kate Lynn Blom ta describi su mes como un persona amabel, alegre, confiabel, honesto y optimista. Su experencia te awor den Miss Youth Aruba ta hopi bunita como cu atrabes di un certamen asina, bo ta haya e oportunidad di crece mas como persona. El a siña socialisa mas conociendo hendenan nobo y ta mas sigur di su mes, siñando pa no worry loke otro ta pensa di bo. E ta haya cu e certamen aki no ta solamente di beyesa, pero di e candidata su seguridad, inteligencia y mentalidad. E conexion entre tur e candidatanan di Miss Youth tambe ta haci e certamen aki cu su toke unico.
Kate Lynn su nomber di cariño ta Kitty y ta representa e caminda unda el a crece desde chikito, esta Santa Cruz, cu e ta defini como e curason di Aruba. Su mama y tata ta e personanan di mas importante den su bida, y semper nan a apoye den tur cos cu e kier a logra. Kitty tin 16 aña y ta den 4de HAVO na Colegio Arubano. Su plan ta pa gradua otro aña y cu e por bay studia na Merca, unda e kier bay den direccion di medicina y pa den futuro e bira un dokter. Su deseo pa studia medicina ta paso e ‘medische wereld’ ta hala su atencion hopi. E lo gusta pa por yuda e hendenan cu ta sufri di diferente malesa y pa alivia nan.
Su hobby ta canta y desde chikito e tabata den e mundo di musica. Tambe el a siña toca piano y aworaki e kier a cumpli otro di su metanan cu ta toca drums. Su color faborito ta aquamarine, e color aki ta simbolisa ‘fearless’: Cu ta nificia bo ta sigur di bo mes, bo ta enfrenta problema y por yuda soluciona nan. Den e video por mira Kate Lynn cu un di su 5 cachonan y e ta gusta bestia masha hopi mes. Ademas di su cachonan e tin tambe dos pushi.
Pa apoya Kate Lynn Blom por sms na #222 y manda Y8 – Tambe vota riba e page missyoutharuba.com
