Accion semper ta papia mas cu palabra y p’esey ta recomendabel pa presta atencion na e forma, con e ta papia y expresa, pasobra obviamente e palabranan tin un gran poder. Un persona namora ta inhala amor y exhala amor hasta den su ultimo suspiro, su forma di expresa cada gesto ta revela loke e ta sinti pa su pareha…Simpelmente bo ta ripara.
“Si bo no gusta, bay y busca otro”; e ta avisa bo cu e no tin intencion di cambia. E no kier mehora of busca un negociacion pa crece den su relacion.
“Mi no kier papia”; e comunicacion ta un punto hopi importante den di un relacion. Si bo pareha ta nenga pa papia riba algun tema cu ta molesti’e, e no ta laga boso crece hunto, ni soluciona e problema.
“Haci loke bo kier”; muestra cla di indiferencia y distancia entre boso. Si no ta import’e kico bo ta haci, con por soluciona algun problema of tuma decision?
“Ya bo a cambia y bo no ta mescos cu prome”; ta normal cu ambos por cambia y esey mester balora. Pero no si e unico cos cu e ta haci, ta reclama cu bo no ta manera antes y no ta wak bo virtudnan.
“Realmente mi ta stima bo/Berdad, mi ta stima bo”; aunke bo lo pensa cu e frase ta positivo, e palabra ‘realmente’ por simbolisa culpa di no stima bo mas y ta un manera di trata di convence bo, di loke e mes no ta sigur di sinti.
