Si ora hende wak bo, en bes di puntra bo con ta bay, nan ta saluda bo timidamente, ta paso nan tin temor cu nan lo molestia bo, door di bo mal genio…no worry! Un investigacion di Nueva Gales del Sur (Australia) a afirma cu e muhernan cu mal caracter ta mas inteligente.
E expertonan ta sigura cu e personanan cu mal humor ta e mihornan ora di tuma decision, debi cu nan ta menos credulo y ta pensa cu cabes friu.
Joe Forgas, autor principal di e estudio, tambe a descubri cu e personanan mas alegre y cu ta feliz den bida, ta mas creativo, pero na mesun momento, door cu nan ta hopi mas sigur, nan ta haci tur cos sin pensa dos biaha. Y contrario cu un persona rabioso, cu ta atento na tur loke ta produci y pasa su alrededor, unda nada no ta scap’e.
Aunke tene cuenta si, cu esaki no kiermen cu e personanan ta feliz of rabioso semper. E estadonan di animo ta cambia constantemente, di acuerdo cu loke ta pasa cu nan. Si bo ta considera bo mes den e grupo di muher cu mal caracter ta mas inteligente, ta perfecto, djis siña balansa bo bida.
