Despues di un casting durante 2 siman intensivo, a scoge e siguiente candidatanan pa ta participante na e eleccion di Miss Aruba 2019. E cinco candidatanan cu ta competi awe nochi: Whitney Luciana – Aninha van der Linden – Danna Garcia – Lorraine Oduber – Ghislaine Mejia.
Durante di casi 3 luna nan a ser prepara den diferente ramo manera por ehempel: les di autoestima, ‘question and answer’, etiquette y protocol, cultura, public speaking, elegancia, actitud, proyeccion, fashion, fotografia, cuido bocal, salud, oratoria, gym, etc.. . Tur e lesnan aki a duna nan e oportunidad di sinti nan sigur na momento di a presenta nan mes recientemente na e comunidad di Aruba. Awor ta keda pa sa ken lo bay ta e digno representante cu lo representa nos na Miss Universe y Miss World 2019. E eleccion ta awe nochi na Hyatt Regency Resort cuminsado pa 9or di anochi. Esaki lo ta uno hopi special celebrando e di 50 edicion di Miss Aruba den un esfera elegante y diferente.
E candidatanan competiendo pa e corona di Miss Universe 2019 & Miss World
No. 1 WHITNEY LUCIANA
No. 2 ANINHA VAN DER LINDEN
No. 3 DANNA GARCIA
No. 4 LORRAINE ODUBER
No. 5 GHISLAINE MEJIA
