Aruba Curvy Weekend ta un evento di 1 dia na Renaissance Convention Center riba 24 augustus. E ta un seminario di ‘empowerment’ y un desfile di moda di diferente proveedor di Aruba y un diseñador de moda.
Cu e evento Aruba Curvy Weekend, nan ta busca pa crea conscientisacion riba e ‘curvy industry’. E mision ta mehora e representacion di e comunidad ‘curvy’ ofreciendo inspiracion y asesoramento na homber- y muhernan cu ta desea di mehora nan miho estilo. Nan ta ‘embrace’ tur tipo di curpa y ta kere cu tur curpa ta bunita. Nan ta desea di facilita e exclusividad y inspira otronan pa celebra nan curpa saludabel, sin importa su tamaño of forma. Nan kier kibra e estigma di pensa cu ora bo ta papia di curva, ta significa cu ta di taya grandi, loke realmente no ta berdad.
Den un sociedad unda ‘bullying, trastorno alimenticio y e impacto social ta afecta por lo menos 1 di cada 3 persona, e ta imperativo pa apoya tipo di eventonan / iniciativanan cu ta promove e curpa positivamente, na mesun tempo cu por acepta bo mes manera cu bo ta como ser humano. Nan ta desea cu e iniciativa aki conhuntamente por establece confiansa y balor propio den tur homber y muher, independientemente di nan tamaño.
