DANIELA FERNANDEZ

Daniela ta trahando den e industria di biña pa mas di diesdos aña. Despues di a completa su Licenciatura den Administracion y di Sommelier califica, e tin tanto e vision comercial pa e industria como apreciacion sensorial pa biña. Despues di a traha desde jong den ferianan di biña, mercadeo y ‘tastings’ importante,  el a haya e oportunidad pa traha na un di e restaurantnan mas reconoci di Argentina. Daniela aki a inicia su excitante carera como Sommelier y na mesun momento tabata e floor manager na Francis Mallman 1884 (reconoci como Top 50 Restaurant di Sur America na 2013 y 2014).

Daniela a muda for di e capital di Argentina pa e centro di e industria di biña Mendoza, pa obtene un mayor apreciacion di e produccion di biña. Despues el a traha pa varios ‘wineries’ como ‘Business Development’, construyendo relacionnan duradero cu e clientenan y tambe e tabatin e cargo di comunicacion di diferente marca, desaroya promocionnan strategico y campañanan di comunicacion. Su enfoke ta pa compronde e necesidad y preferencianan di e clientenan (actual y potencial) y asina agrega balor tanto pa e empresa- como tambe pa e consumidornan. Awor Daniela ta na Aruba unda el a bin biba pa eleva su horizontenan.

Daniela Fernandez ta presente diaranson anochi na Casa Nonna, cu ta un restaurant hopi aprecia pa su ambiente calido y acogedor. Durante e evento gastronomico, Scents of Taste,  cu un 4-course menu increibel di Chef de Cuisine, Rollyn Angela di Casa Nonna New York – Aruba,  lo tin e ‘wine pairing’ cu TOMMASI Wine, cu su distribuidor ta Tropical Bottling Co.  E prijs pa persona ta $100 pa disfruta di un anochi gastronomico extraordinario na The Ritz-Carlton, Aruba.