Con abo ta pensa pa bay bisti pa Gala of Thrones 2019? E aña aki atrobe e tema di e fiesta anual exitoso di Kiwanis Club of Aruba, lo ta impactante! For di momento cu a lansa e tema di 2019, mesora a cuminsa e buskeda di e look, pa e fiesta di gala mas impactante di aña. E anochi aki lo bay tin un desfile di estilo riba e ‘red carpet’ manera tur aña, unda cu for di cabes te pia, tur detaye mester ta ‘on point’! Esey kiermen, percura pa abo ‘show up’ cu bo miho outfit, pa disfruta di e evento di gala top di Aruba.
Pa e premiere di ‘Game of Thrones’ Season 8 na New York, e artistanan manera: Gwendoline Christie y Emilia Clarke a luci un shimis, cu a haci un ‘statement’: Christie, a bisti un shimis cu e flornan yamativo cu e manganan hancho, mientras cu Clark a yega den un creacion ful di twiel di Valentino. Maisie Williams y Natalie Dormer, a opta pa e shimisnan preto clasico di anochi, pero cu hopi briyo y payette. E actornan masculino di e programa a bisti den e trahenan yamativo cu jackets di brocade y turtlenecks. Pues variacion sigur tin pa abo scoge y luci espectacular dia 28 di september proximo. Scoge bo mesun look preferi pa Kiwanis Club of Aruba su Gala of Thrones 2019.
