![](https://focus.aw/wp-content/uploads/2019/08/Buscando-cos-diferente-1-1024x683.jpg)
Un pregunta cu e hombernan ta haci constantemente ta: kico e muhernan kier di e hombernan segun nan edad? Segun e muhernan ta creciendo y madurando, nan ta buscando cos diferente den e hombernan. Tur cos ta depende di e edad y e etapa cu e muher ta encontra den su bida.
MUHER: 16 – 20 AÑA
E muhernan ta idealisa e hombernan. Ta busca esunnan mas nechi, mas popular di scol y cu tur muher kier, sin importa si e ta un bon of mal hende. No ta ni importa si nan no a cruza un palabra cu otro. Loke e muhernan ta busca na e edad aki ta pa ta reconoci socialmente, pa tin e pareha mas desea di tur.
![](https://focus.aw/wp-content/uploads/2019/08/Buscando-cos-diferente-02.jpg)
MUHER: 21 – 28 AÑA
Idealisacion a bira menos. Nan no ta interesa tanto pa pertenece na un grupo, pues e liderasgo di homber no ta asina importante pa nan. Nan ta interesa p’e homber laga nan disfruta di compania y cu por surgi algo mas stabiel.
![](https://focus.aw/wp-content/uploads/2019/08/Buscando-cos-diferente-06.jpg)
Un estudio di University of Southern California a revela, cu e interesnan di muher no semper ta relaciona cu sex y fertilidad, mas bien cu vinculo afectivo y ta depende di e edad di cada muher.
![](https://focus.aw/wp-content/uploads/2019/08/Buscando-cos-diferente-03.jpg)
MUHER: 29 – 37 AÑA
Den e etapa aki e muhernan ta interesa pa realmente tin un stabilidad cu pareha y tin proyecto di bida en comun. E fisico ta na di dos lugar y primordial ta pa haya un homber madura, cu ta busca un compromiso y un proyecto di bida den pareha.
MUHER: 38 EN ADELANTE
Na e edad aki, algun muher por ta divorcia of ya a pasa pa un proceso di separacion, cual ta pone nan bira mas exigente. Nan no kier ripiti patronchi y ta pasa trabou pa bolbe confia homber, si nan tabatin un decepcion amoroso. Ora e muhernan sigui cu nan pareha na e edad aki, nan ta busca pa e candela di amor keda cendi. Nan ta propone e cosnan diferente cu su pareha y ta drenta e famoso ‘di dos aire’.
![](https://focus.aw/wp-content/uploads/2019/08/Buscando-cos-diferente-11.jpg)