![](https://focus.aw/wp-content/uploads/2019/10/Elite-Party_4295-1024x768.jpg)
E compania di produccion audio-visual, Elite Productions, a transforma nan oficina y deposito den un localidad di evento mahestral. Tanto parti pafo y tambe paden a wordo transforma pa asina yama bon bini na e diferente cliente- y relacionnan di trabou. E compania ta existi pa 12 aña caba y cada tanto aña ta organisa un evento pa asina duna danki.
![](https://focus.aw/wp-content/uploads/2019/10/OHP-elite_clientappreciation-0116-1024x683.jpg)
Recientemente e compania a muda tambe pa nan localidad nobo cu ta uno ultra moderno y espacioso. Pa e motibo aki den diferente grupo e invitadonan por a pasa paden y haya un tour di nan oficina y deposito. Aki e miembronan di e ekipo a splica un tiki riba e historia pero tambe riba e diferente servicionan cu e compania ta brinda. Parti pafor Elite a duna demonstracion di diferente servicio manera efectonan di luz, huma, candela, video mapping, bubble machines y sparklers.
E hit di e anochi tabata e 360 Photobooth. For di ora cu e evento a cuminsa te ora cu el a caba e invitadonan tabata para den rij pa asina haya un beurt pa por traha un video cu ta graba bo 360 grado y despues den algun seconde bo ta haye den bo email. CEO di Elite Productions & Entertainment Aruba, Krish Mahtani, a hiba palabra pa asina gradici tur presente pa nan sosten continuo pa e compania cu a sa di crece cada aña.
![](https://focus.aw/wp-content/uploads/2019/10/OHP-elite_clientappreciation-0180-1024x683.jpg)
![](https://focus.aw/wp-content/uploads/2019/10/Elite-Party-title-1024x538.jpg)
![](https://focus.aw/wp-content/uploads/2019/10/Elite-Party_dada769-1024x853.jpg)
![](https://focus.aw/wp-content/uploads/2019/10/Elite-Party_e8af809.jpg)
![](https://focus.aw/wp-content/uploads/2019/10/Elite-Party_be78a7.jpg)
![](https://focus.aw/wp-content/uploads/2019/10/Elite-Party_4287-1024x768.jpg)