Den teoria, amor mester ta pa henter boso bida, sin importa e ‘ups & downs’ cu presenta den e relacion. Separacion ta algo cu bo mester ta completamente sigur di kier hacie, paso ta un decision demasiado fuerte y sin wak bek atras. Prome cu tur cos, bo mester sa exactamente cua ta e motibonan cu a pone bo aleha di bo pareha y aki tin e 4 motibonan principal; indiferencia, intolerancia, desconfiansa of falta di respet?
E preguntanan cu bo mester haci, prome cu tuma e decision di separa ta:
1 Kico ta loke a pone bo namora di bo pareha?
Puntra bo mes, si e aspectonan ey ainda t’ey y boso mester lucha te final.
2 Mi por enfrenta tur loke ta bin cu separacion?
Un miedo normal cu lo aparece, pero bo mester sigui dilanti y duna bo mes forsa pa continua loke ta spera bo.
3 Mi ta lagando mi ta influencia?
E decision importante aki, mester ta paso explicitamente abo ta sinti of ta wak mas conveniente, sin loke otro ta pensa, opina of sugeri.
4 Mi por visualisa mi mes sin mi pareha?
Pensa riba tur pro y contra.
5 No tin nada cu por remedia e problema?
Si tin un posibilidad pa salba bo relacion, no duda pa hacie. Ta mihor gasta tur oportunidad, cu despues bo haya e duda di por a soluciona e cosnan.
