Na Aruba Marriott Resort a tuma lugar un rueda di prensa, unda cu prensa a topa cu integrantenan di UB40, esta Ali Cambell y Astro. E cantantenan ta contento di ta bek na Aruba despues di 25 aña. Nan a comparti cu e show cu nan lo presenta ta un ‘Greatest Hits’ show. Esta cu e publico lo sa di canta hunto cu nan, tur nan cancionnan.
No tin hopi carchi mas disponibel mirando e diferente generacionnan cu ta bayendo e evento. Diabierna durante dia e otro artistanan lo ta yegando manera: Sech, Lunay, Alex Sensation, Dimelo Flow y Chris Jeday. Jeon tambe tabata presente na e rueda di prensa y a comparti cu e mes y su team a traha duro pa un show completamente nobo cual Aruba lo sa di e disfruta di dje..
Carchi ta obtenibel na Citgo Blvd, Citgo Essoville, Citgo Palm Beach, Superfood, Fun Miles, Craft y online www.islandtakeover.com . Pa esunnan cu ya tin nan carchi por pasa na e POP UP Store situa na The Village banda di Gusto Nightclub for di 10 or di mainta te cu 4 or di atardi pa cambia nan ticket pa un banchi. Despues cu e tienda cera, por haci esaki anochi na e concierto tambe. Porta ta habri pa 7 or di anochi. Importante pa menciona cu L G Smith Boulevard lo ta parcialmente cera for di Citgo Boulevard te Turbo retonde. Pa esunnan cu kier haci uzo di parkeo paden di Harbor Arena, mester pasa via e banda di ex Bushiri Hotel.
