Den presencia di su excelencia minister di Transporte, Communicacion y Sector Primario, sr. Crispin Romero, director di Post Aruba N.V., sr. Guillermo Raymond, personal di Post Aruba N.V. y miembronan di Prensa, Christina Yrausquin, gerente di benta na Yrausquin, a entrega e yabinan di 7 Ford Figo Hatchback y 1 Ford Ecosport pa reemplasa e flota cu ta parti post na henter Aruba.
Post Aruba N.V. ta renoba nan flota cada 4 pa 5 aña door di manda un ‘aanbesteding ‘pa lease autonan. Desde 2006 Yrausquin semper a manda e mihor oferta y durante transcurso di 2006 te cu awe Yrausquin tin un partnership cu Post Aruba N.V. di cual nan ta hopi orguyoso di dje. E tempo ey Yrausquin a gana e ‘aanbesteding’ y a cuminsa lease Post Aruba N.V., e Ford Transit Connect y Ford Ecosport.
E motibo di e cambio di Ecosport pa Figo ta pa tin un model mas compacto y mas eficiente den consumo di gasolin. E Ford Figo actualmente tin un motor y transmision nobo compara cu e model anterior, cual ta core mas zuinig y mas suave riba e careteranan.
Post Aruba N.V. tin mas cu 12 aña bon experiencia cu autonan Ford y cu e servicio di lease di Yrausquin. Yrausquin no ta solamente dealer oficial di Ford, pero e ta un dealer ful operacional cu un garage apto y cu un team su tras den e departamentonan di Body Shop, Piesa y Quick Lane. Tambe Yrausquin tin un departamento pa coordina tur cita y manda recordatorio di e citanan. Y como compañía di famia pa 67 aña, Yrausquin ta agradeci cu Post Aruba N.V. ta sigui brinda nan confiansa y cu hopi pasion nos ta sigui duna nan e miho servicio posibel.
